George Russell për herë të parë ka sqaruar gjithçka publikisht për mundësinë e kalimit tij te skuadra Red Bull Racing e Formula 1.
Russell momentalisht është piloti i skuadrës Williams, por i dalë nga akademia e Mercedes, ku në garën e Sakhir sezonin e shkuar pati mundësi të garojë me njëvendëshen e Lewis Hamilton.
Asokohe, shtatë herë Kampioni i Botës Lewis Hamilton, i karantinuar pas prekjes me COVID-19, i dha mundësinë Rassell të garonte me njëvendëshen më të shpejtë në botë, duke bërë një paraqitje fantastike ku mbajti për shumë xhiro kryesimin e garës, por gjithçka u prish nga boxet e Mercedes, ku gabimet e tyre e detyruan të përfundojë garën në pozicionin e 8të.
Por këtë herë është gjithçka ndryshe, pasi aludimet e kanë anglezin nën timonin e njëvendëshes Red Bull, dhe pikërisht në këtë moment ka reaguar vet piloti duke thëne:
“Është e pamundur për mua të drejtoj një makinë që nuk është Mercedes, sepse unë jam një pilot i Mercedes. Më bëhet shumë qefi që vlerësohem nga skuadrat e tjera, dhe e marin në konsoderatë pilotimin nga unë, por unë i jam besnik Mercedesit. “
“Ku do jem vitin që vjen? Këtë nuk e di, por pas meje do jetë patjetër një motorr Mercedes. Nuk ka rëndësi cfar ngjyre do të ketë skuadra, por nëse fuqizohet nga një motorr Mercedes, aty mund të jem.”
Pas këtij komenti Russell hedh poshtë çdo mundësi të një kalimi në sezonin tjetër te konkurentët e Red Bull, që vitet e fundit janë skuadra e vetme e aftë të bëhet pengesë pë kampionët e Mercedes, në titujt e konstruktorëve. /Gijotina.com
