Kryeministri Edi Rama dhe ministja e Jashtme, Olta Xhaçka janë nisur drejt Sllovenisë për forumin vjetor strategjik të BE.
Mësohet se, në forumin që do të mbahet më 1-2 shtator në Slloveni, të pranishëm do të jenë liderët e BE, KE dhe Ballkanit Perëndimor.
Temat e diskutuara në ditën e parë të Forumit do të përfshijnë rimëkëmbjen pas pandemisë, transformimin e gjelbër dhe dixhital dhe të ardhmen e procesit të zgjerimit të BE-së, ku kjo e fundit është tradicionalisht një nga diskutimet më të vizituara në Forum. Në ditën e dytë të takimit, bisedimet do të përqendrohen në rimëkëmbjen ekonomike pas pandemisë, rimëkëmbjen e turizmit dhe forcimin e BE-së.
Pas mbërritjes nga Sllovenia, më tre shtator kreu i qeverisë do të niset drejt Italisë, kur shënohet 30 vjetori i zbarkimit të 20,000 shqiptarëve në anijen e Vlorës në Bari.
