Një tragjedi familjare ka ndohur në provincën e Rovigos, ku një foshnjë tre muajshe vdiq në spital ndërsa nëna me kombësi marokene u arrestua me kërkesë të Prokurorisë Publike për veprën e keqtrajtimit të rëndë me pasojë vdekjen.
Historia daton në fillim të muajit dhe është bërë e ditur nga prokurorja publike, Manuela Fasolato. Djali i vogël, i cili ishte dërguar me urgjencë në spitalin e Padovës, vdiq javën e kaluar.
Mjekët kanë vendosur menjëherë të kryejnë një hetim mjeko-ligjor për të konstatuar shkaqet e vdekjes, për të cilat nëna nuk kishte mundur të jepte shpjegime. Raporti nga spitali i Padovës theksoi “trauma cerebrale dhe kurrizore me encefalopati hipoksiko-ishemike” në trupin e fëmijës, pra dëmtime që çojnë në një rrjedhje të pamjaftueshme të gjakut në tru.
Këto përfshihen në përputhshmërinë me dinamikën tipike të “sindromës së foshnjës së tronditur me traumë abuzive në kokë”. Dridhja e tepërt i shkaktoi foshnjës dëme të pariparueshme, siç fatkeqësisht ka ndodhur shumë herë në raste të ngjashme, kur prindi nuk është në gjendje të menaxhojë të qarat apo shqetësimet e të porsalindurit.
Mbi bazën e kallëzimit, Prokuroria Publike e Rodigos ka kërkuar dhe marrë masën e sigurisë arrest me burg, e cila është vendosur të mërkurën e kaluar, më 6 shtator, nga Forcat e Komisariatit të Policisë, motivuar nga shkaqe të rënda faji.
Gruaja tashmë është paraqitur para gjyqtarit për hetime paraprake, për marrjen në pyetje të garancisë, gjatë së cilës ka shfrytëzuar të drejtën për të mos u përgjigjur.
Prokuroria e Rovigos ka dhënë tashmë detyrën për kryerjen e autopsisë, në formën e një vlerësimi teknik të papërsëritshëm të natyrës mjeko-juridike, me garancitë e mbrojtjes. Hetimet e mëtejshme iu besuan policisë./RaiNews
Discussion about this post