FOTO/ Aksident tragjik në Itali, 4 viktima dhe 1 i plagosur. Detajet

katër persona humbën jetën dhe një i pestë ka mbetur i plagosur si pasojë e një aksidenti që ndodhi pasditen e së shtunës në Kalabri.

Aksidenti ka ndodhur në rrugën nacionale 106, pranë komunës së Montepaones në provincën Catanzaro. Në aksident u përfshinë dy automjete, ndërsa bilanci ishte tragjik: tre gra dhe një burrë humbën jetën.

Përplasja ndodhi midis një Fiat Idea dhe një Fiat Panda. Pasagjerët që ishin në bordin e Fiat Panda vdiqën, të gjithë të rinj nga San Luca. Ata janë Antonella Romeo (2005), Teresa Giorgi (1989), Elisa Pelle (1999), Domenico Romeo (1996).

Shoferi i Fiat Idea, një 52-vjeçar nga Soverato, u plagos rëndë dhe u transportua menjëherë në spital në Catanzaro.

Gjetjet konfirmuan se përplasja mes dy automjeteve ishte kokë më kokë. Panda në të cilën udhëtonin katër viktimat ishte drejtuar për në provincën Reggio Calabria.

Ekipet e zjarrfikësve të Chiaravalle dhe Soverato ndërhynë në vend për nxjerrjen e trupave nga makina, pothuajse e shkatërruar totalisht.