Këtë të premte ora 20:30 Bayern Munich nis garën për mbrojtjen e titullit në Bundesligën gjermane, dhe në këtë start mbrëmjen e sotme do ketë përballë Borusia Monchengladbach.
Kjo do të jetë ndeshja e parë e trajnerit Julian Nagelsmann në drejtimin e stolit të bavarezëve, që do kërkojë me çdo kusht fitoren që në fillimin e këtij kampionati.
Ka shumë dëmtime në listën e Bayern, çka duket se do ta vëri në sprovë portën e Neuer, me Pavard që ka dëmtim në gju, dhe me Lucas Hernandez dhe Marc Roca që gjithashtu nuk do të jenë pjesë e 11’shes startuese.
Pritet që kjo 11’she të jetë si më poshtë: Neuer; Sarr, Nianzou, Upamecano, Stanisic; Kimmich, Goretzka; Gnabry, Muller, Sane; Lewandowski.
