Në krah të drejtuesit të ri politik të qarkut Fier Taulant Balla, ish-zv/kryeministri Erion Braçe ka publikuar foto nga takimet me strukturat e PS në Divjakë.
Braçe shprehet se duhet analizë për të ndryshuar dhe për t’u hapur duke theksuar se fitoret vlejnë për këtë.
“Në Divjakë, e nisim nga e para, nga A-ja! Analizë për të ndryshuar, ndryshojmë për t’u hapur dhe bashkuar fitoret vlejnë për këtë”, shkruan Braçe.
Ish-zv. kryeministri Erion Braçe ka dorëzuar disa ditë më parë detyrën dhe këtë e bëri të ditur me anë të një videoje të publikuar, me pamjet nga largimi i tij nga zyra që mbante në Qeverinë ‘Rama 2’.
Nëpërmjet një postimi të gjatë në facebook, Erion Braçe theksoi se është mbyllur marrëdhënie në qeveri, madje ka publikuar dhe një video me karrigen e zyrës të kthyer përmbys!
Në mesazhin e tij, Erion Braçe gjithashtu theksoi se nuk hyri si hajdut në qeveri dhe nuk doli si hajdut prej saj.
