Deputeti i Partisë Demokratike, Bujar Leskaj ka krijuar një situatë komike për ministret e kabinetit të kryeministrit, Edi Rama. Moment ky që si duket nuk ka arritur t’i shpëtojë kamerave të LSA-së, të cilët kanë fotografuar momentin “pikant” në podiumin e Foltores, ku ministret Ibrahimaj, Manastirliu dhe Xhaçka “shkrihen” së qeshuri. Nuk dihet se çfarë i ka dhënë demokrati ministreve socialiste, por mesa duket se ka shkaktuar shumë hilaritet mes zonjave.
Kuvendi i Shqipërisë u mblodh ditën e sotme në orën 10:00 për të diskutuar një sërë çështjesh të rëndësishme.
Deputetët do të diskutojnë projektligjin për ratifikimin e marrëveshjes mes Shqipërisë dhe Emirateve të Bashkuara Arabe për bashkëpunim në fushën e sigurisë dhe terrorizmit.
Tjetër projektligj që do të diskutohet sot në Kuvend ka të bëjë me shkëmbimin e informacionit mes Shqipërisë dhe Mbretërisë së Bashkuar e Irlandës për qëllime të lidhura me migracionin.
Sipas rendit të ditës, ditën e sotme pritet të zgjidhen dy anëtarët e rinj të Këshillit të RTSH-së, Albert Minga dhe Edmond Tullumani.
Discussion about this post