Deputeti i PD, Dashnor Sula, ka habitur sërish ditën e sotme në Kuvendin e Shqipërisë, ku ka shkuar i “armatosur” me dy bidona vaj.
Sula në fjalën e tij tha se sot fshatarët janë të braktisur, pasi çmimi i vajit të ullirit po ulet çdo ditë dhe më shumë.
Sipas tij ky nuk është i vetmi problem, pasi përveç çmimit të ulët nuk ka më as punëtorë për të vjelë ullinj.
“Të jeni të sigurt dhe ju garantoj se fshatarët po heqin të zitë e ullirit duke prodhuar vaj ulliri. Çmimi i vajit të ullirit do arrijë pas dy muajsh çmimin e naftës që ka vendosur bordi juaj. Sot 3500 lekë shitet vaji i ullirit”, tha Sula.
Discussion about this post