FOTO, del në shitje makina e parë e Maradonës

Diego Armando Maradona është rikujtuar sërish, por këtë herë jo për lajme që lidhen me vdekjen e tij, familjen apo stadiumin që mban emrin e tij.

Legjenda e Napolit është kthyer në kryetemë të mediave për shkak se ka dalë në shitje makina e parë që ka përdorur argjentinasi.

Ajo nuk ka qenë aspak një makinë luksoze siç jemi mësuar të shohim futbollistët më të mirë të momentit, por një makinë klasike si Fiati 128. Ajo i ishte dhuruar Maradonës në vitin 1982, teksa u bë zyrtar kalimi i tij nga Boca Juniors në Europë, te skuadra e Barcelonës.

Gjatë karrierës së tij Maradona ka pasur shumë makina të tjera luksoze dhe Fiati i kishte humbur gjurmët derisa në vitin 2003 është gjetur në një fshat të Argjentinës nga një koleksionist, i cili është edhe pronari aktual i Fiatit.

Ajo do të nxirret në ankand më 15 shkurt të 2022 për një çmim fillestar prej 355.000 euro, ndërsa shumë e saj mund të shkojë në miliona euro./K.T/Gijotina.com