Në seancën e mbajtur gjatë ditës së sotme për Fredi Belerin është marrë në shqyrtim edhe një foto, ku SPAK pretendonte se në të dukej kryebashkiaku i zgjedhur me personin Arsen Rama.
Në lidhje me këtë çështje avokatët e Belerit kanë thirrur si dëshmitar Thoma Bogdani. Ky i fundit u paraqit i veshur njësoj si një nga dy personat të cilët dallohen në foto me Belerin, dhe tha në gjykatë se personi në foto është vetë ai.
Foto-ja është bërë nga forcat operacionale të Policisë se Shtetit gjate mbajtës nën vëzhgim të Belerit pak ditë para zgjedhjeve të 14 majit.
Në seancën e sotme në ngarkim të Fredi Belerit, kryetar i zgjedhur i Bashkisë së Himarës, avokatët mbrojtës thanë se dëshmitari që ishte sjellë si provë nga prokuroria në fakt ishte një tjetër person.
“Prokuroria tha se ka qenë Arsen Rama në këtë foto dhe ne i sollëm dëshmitarin e vërtetë dhe provoi që nuk ishte i njëjti person. Është Thoma Bogdani dhe pranoi që ka qenë në këtë foto më datën 10 ora 10. U provua qartë se është një tjetër. E gjeti BKH-ja në fazën e mbikëqyrjes. Edhe ne e gjetëm personin dhe e sollëm meqë jemi në fazën e dëshmitarëve”, tha ai.
Avokati Geni Gjyzari tha se prokuroria ka hapur telefonin e kryebashkiakut të zgjedhur.
“Qëndrimi i zotit Beleri është konstant, kërkon proces të rregullt dhe ligjor. Nuk i është garantuar deri në këtë moment. Është proces me dy standarde. Celulari është hapur që në ditët e para. Iu garantoj që po të shikonin elementë të paligjshëm në celular do ta linin ata? E kanë hapur, iu siguroj”, deklaroi ai për mediat.
Discussion about this post