Mediat serbe janë shumë të vëmendshme kur bëhet fjalë për ndeshjet e Kombëtares shqiptare dhe tifozerinë ‘Kuqezi’.
Së fundmi ata kanë analizuar me kujdes sjelljen, flamujt dhe pankartat që mbanin mbështetësit tanë në ndeshjen e Shqipërisë me Poloninë në ‘Air Albania’.
Dy mediat serbe ‘Kurir’ dhe ‘Blic’ kanë kërkuar një dënim të menjëhershëm nga UEFA ndaj Shqipërisë, pasi kanë pikasur mes tifozëve një person që mbante pankartë ku shkruhej: ‘FCK SRB’. Këto media nuk janë kursyer aspak, madje i kanë cilësuar tifozët shqiptarë edhe si huliganë.
Ndërsa përveç kësaj çështje ende nuk është vendosur dënimi që do të marrë Kombëtarja jonë prej sulmit që tifozët bënë ndaj lojtarëve polakë. Duke mos lënë pa theksuar se në deklaratën e saj për këtë ngjarje Federata Shqiptare e Futbolli theksoi se ai episod ndodhi pasi mbështetësit ‘Kuqezi’ ishin provokuar dhe sulmuar gjatë gjithë sfidës nga tifozeria e Polonisë./K.T/Gijotina.com
