FOTO/ Do vrisnin një anëtar të klaneve të Kotorrit, ja çfarë u gjet në makinën e shqiptarit e armenit

Një 25-vjeçar shqiptar është ndaluar nga policia malazeze me dyshimin se ishte pjesë e një grupi kriminal që do të kryente një vrasje në Budva.

Gjithashtu Policia ka arrestuar një 34-vjeçar armen, të identifikuar si Mnatsakanyan Artyom. Ndërkohë që një person i tretë është shpallur në kërkim.

Mediat malazeze shkruajnë se shqiptari u kap në pikën kufitare të Sukobinit.

Dyshohet se grupi do të kryente vrasjen e një anëtari të klaneve të Kotorrit.

Policia malazeze njoftoi se në një Golf, që udhëtonin të arrestuarit, janë gjetur armë dhe maska.

Patrulla e policisë ka ndjekur “Golfin” që ka hyrë në rrugën Solanska, ndërsa është parkuar në oborrin pas hotelit të papërfunduar.

Më pas ai u ndalua dhe u kontrollua.

“Mbrëmë rreth orës 22:30 në rrugën Slovenska Plaža, policia e Budvës vërejti një automjet VË Polo. Automjeti në fjalë u ndal në një parking, në një rrugë pa rrugëdalje përpara policisë.

Menjëherë pas ndalimit të mjetit, tre persona kanë zbritur befas dhe kanë ikur me vrap. Pjesëtarët e policisë kanë kapur me një person.

Menjëherë janë njoftuar të gjitha njësitet policore në dispozicion që janë dërguar në këtë pjesë të Budvës, së bashku me efektivë të policisë kriminale”, thuhet në njoftim.

Policia ka bllokuar qytetin dhe ka nisur një kërkim intensiv për personat e përmendur.

“Për ngjarjen është njoftuar prokurori i shtetit në Prokurorinë Themelore në Kotorr, i cili së bashku me pjesëtarët e Departamentit të Sigurisë së Budvës kanë kryer hetime në vendngjarje.

Në veturë janë gjetur dy pistoleta “Glock”  me municione, një pistoletë automatike “Scorpion” me silenciator dhe 17 copë fishekë, dy maska silikoni si dhe disa palë doreza dhe rroba për të ndërruar.

Pas konstatimit të identitetit, policia me urdhër të Prokurorisë ka vendosur mbajtjen në arrest të shtetasit armen, nën dyshimin se ka kryer veprën penale të mbajtjes pa leje të armëve dhe lëndëve shpërthyese.

“Po ndërmerren veprime të mëtejshme hetimore për të vërtetuar të gjitha rrethanat në të cilat ishte planifikuar vrasja, e cila u parandalua”, përfundon deklarata.