Ish-lojtari i Manchester United, Eric Cantona ka zbuluar se ai do jetë trajneri i ardhshëm i skuadrës së ‘Djajve të kuq’.
Ky lajm u bë publik nga ai vet në një postim në ‘Instagram’ ditën e sotme, ndërsa ende nuk dihet pjesa tjetër e stafit.
Megjithatë ky lajm nuk është besuar nga ndjekësit e tij, pasi deklarata në fjalë nuk është konfirmuar ende nga klubi i Premier League.
Aktualisht në krye të United është Michael Carrick, i cili mori drejtimin e skuadrës që prej shkarkimit të Ole Gunnar Solskjaer të dielën.
Së fundmi në një video të bërë publike në rrjetet sociale francezi shprehet: “Përshëndetje miq. Do të doja t’ju thoja ekskluzivisht se trajneri i ri i Manchester United jam unë. Shihemi së shpejti”.
Ai vlerësohet si një prej lojtarëve më të mëdhenj në historinë e United, me të cilin ka luajtur në periudhën 1992-1997, duke shënuar 82 gola në 185 ndeshje. Cantona ka fituar 4 herë kampionatin dhe 2 herë Kupën e Anglisë nën drejtimin e Sir Aleks Ferguson.
Ndërsa duhet parë nëse ky lajm është i vërtetë apo jo, në rast se do të konfirmohet nga Manchester United./K.T/Gijotina.com
Discussion about this post