Christian Eriksen është rikthyer në stërvitje në Danimarkë me klubin e Odenses.
Eriksen ka qenë jashtë fushës që nga 12 qershori, kur u rrëzua për shkak të një ataku kardiak gjatë ndeshjes Danimarkë-Finlandë.
Ai nuk lejohet të stërvitet apo të luajë në Itali pasi i është implantuar një startues në zemër, ndaj është rikthyer në Danimarkë, ku po stërvitet me ish-klubin e tij Odense.
“Ne jemi të kënaqur që Christian Eriksen po mban formën e duhur me ne. Ne kemi mbajtur kontakte me Christian që kur ai u largua, dhe për këtë arsye jemi të lumtur që ai na pyeti nëse mund të stërvitej në Adalen.”- tha drejtori sportiv i klubit Michael Hemmingsen për ‘Bt.dk’.
Eriksen u largua nga klubi në vitin 2009, duke iu bashkuar Ajax-it në një marrëveshje prej 1.5 milionë euro. Më pas ai kaloi te Tottenham dhe Inter.
29-vjeçari është nën kontratë me kampionët e Serisë A deri në qershor 2024. Sigurimi i FIFA-s mbulon pagën e tij prej 7 milionë euro në vit dhe Interi do të diskutojë të ardhmen e lojtarit me ish-yllin e Tottenhamit dhe agjentin e tij në muajt e ardhshëm.
Të dyja palët janë në marrëdhënie të mira dhe janë të gatshme të gjejnë zgjidhjen më të mirë për të ardhmen e lojtarit./K.T/Gijotina.com
Discussion about this post