Patrice Evra ka bërë me dije se Lionel Messi do të fitojë ‘Topin e Artë’ 2021 mbrëmjen e sotme. Ky çmim do të jepet në një ceremoni në Paris, teksa emri i argjentinasit është ndër më të lakuarit.
Rikujtojmë se Evra është shprehur më parë se Messi nuk e meriton ta marrë më këtë trofe. Ish-mbrojtësi i Manchester Unitedit dhe Francës, kishte thënë kohë më parë se do të habitej nëse Messi do ta fitonte ‘Topin e Artë’.
“Sipas mendimit tim, Topin e Artë e meriton N’Golo Kante apo Jorginho. Jam lodhur duke i parë duke ia dhënë Messit atë”,-ishte shprehur ai.
Ndërsa të dielën në mbrëmje Evra zbuloi se fituesi do të jetë Messi.
“Urime Messi për fitimin e Topit të Artë edhe një herë tjetër”,– shkroi ai në ‘Instagram’. Përveç Messit të tjerë të favorizuar për këtë çmim janë Robert Lewandowski i Bayern Munich dhe Karim Benzema i Real Madrid./K.T/Gijotina.com
Discussion about this post