Një armë zjarri kallashnikov është gjetur në zonën e stadiumit të Korçës. Arma është gjetur nga disa fëmijë të cilët kanë njoftuar të rriturit për të kërkuar ndihmën e policisë.
Pas mbërritjes në vendngjarje, policia ka konstatuar armën të mbështjellë me një qese e të hedhur brenda këtij rrethimi.
Aktualisht, arma do të kalojë në ekspertizë, ndërkohë që janë marrë masa për të larguar fëmijët që ndodheshin pranë këtij vendi.
Policia po heton për të identifikuar individin që mund të ketë hedhur armën dhe për të përcaktuar nëse ka ndonjë lidhje me aktivitete kriminale.
Discussion about this post