Java e 15-të e Ligue 1 në Francë vuri përballë Saint etiene me PSG, në takimin e fituar nga këta të fundit me shifrat 3-1.
Neymar do të shënonte që në minutën e 5’ të takimit, por sistemi VAR do ta quante të pavlefshëm golin e brazilanit. Kundërshtarët e Saint Etiene do të përfitonin nga një kundërsulm i parisienëve për të zhbllokuar sfidën në minutën e 25’ me golin e Bouanga, por në fund të pjesës së parë Messi do të dhuronte një asist për Marquinhos që realizon golin për ti mbyllur shifrat e pjesës së parë në 1-1.
Pjesa e dytë do të fliste e gjitha për miqtë e PSG, ku Messi do të ishte sërish autori i asistit të dy golave të Di Marias dhe Marquinhos që i dërguan shifrat finale të takimit në 3-1.
Minuta ‘tmerri’ do të ishin për Neymar ato të fundit të kësaj përballje, ku në driblim e sipër, humbet kontrollin dhe dëmton kyçin e këmbës në një mënyrë vërtet të rrezikshme.
Kërkohet ndërhyrja e mjekëve në fushë, të cilët pasi i dhanë ndihmën e parë, u detyruar ta ngrënë Neymarin, i cili e kishte të pamundur të lëvizte. Minutat në vijim pritet të qartësohet shkalla e dëmtimit për brazilianin.
Pas tre pikëve të përfituara nga ky takim, PSG thellon akoma më shumë ‘hendekun’ e pikëve me kundërshtarët duke u shkëputur me 40 pikë nga ndjekësit më të afërt, ata të Nice me 26 pikë.
Discussion about this post