Sot hidhet në Stamboll shorti i Champions League për fazën e grupeve. Ndeshjet e mbrëmjes së djeshme përcaktuan 3 skuadrat e fundit në 32 ekipet më të mira të kampionëve.
Plot 26 ekipe u kualifikuan në këtë fazë në mënyrë direkte, ndërsa 6 të tjerat arritën të kalojnë raundet përmes kualifikueseve.
Skuadrat janë të ndara në vazo dhe shorti mund të formojë duele mjaft të forta, pasi ekipe si Barcelona, Real Madrid, Juventus apo Borussia Dortmund ndodhen në vazon e dytë dhe mund të përballen me të tjerë të mëdha që ndodhen në vazon kryesore.
Si bëhet ndarja e vazove?
Në vazon e parë janë përfshihen kampionët e 6 ligave më të forta, fituesi i Europa League Villarreal dhe fituesi në fuqi i Champions, Chelsea.
Ndërsa më pas skuadrat në vazot 2,3 dhe 4 përcaktohen sipas renditjes së koeficientit të klubit.
Duhet të theksojmë se faza e grupeve të Champions League nis në mes të muajit shtator./Gijotina.com
