Policia në Kamëz bën me dije se një i moshuar ka humbur kontaktet me familjarët e tij.
I moshuari, që shihet edhe në foto, dyshohet se vuan nga probleme të shëndetit mendor. Drejtoria Vendore e Policisë Tiranë fton qytetarët që mund të kenë dijeni për familjarët e tij të telefonojnë në numrin pa pagesë 112.
“Kamzë/Informacion paraprak. Më datë 31.03.2023, është konstatuar në Kamzë, i vetëm, një i moshuar që dyshohet se vuan nga probleme të shëndetit mendor.
I moshuari nuk mund të identifikohet, nuk e mban mend banesën ku jeton dhe është shoqëruar në ambientet e Komisariatit të Policisë Nr. 5.
Drejtoria Vendore e Policisë Tiranë fton qytetarët që mund të kenë dijeni për familjarët e tij të telefonojnë në numrin pa pagesë 112”, tha policia.
Discussion about this post