Cristiano Ronaldo nuk mund t’i ndahet kurrsesi numrit 7. Tashmë është vërtetuar që edhe te Manchester United ai do të posedojë po të njëjtën shifër edhe pse deri më tani ajo ishte e Cavanit.
Portugezi ka falënderuar uruguajanin që i liroi atij këtë numër, të cilin e cilëson si një gjest shumë të bukur.
“Nuk isha i sigurt nëse do ishte e mundur të kisha numrin shtatë sërish, pra dua të falënderojë shumë Edin për këtë gjest të pabesueshëm”,– u shpreh ai për faqen zyrtare të Manchester United.
Rikujtojmë se Ronaldo rikthehet te United pas 12 vitesh dhe tashmë të gjithë janë me sytë nga Premier League për të parë debutimin e tij./Gijotina.com
