Shqiptari i vetëm që garonte në Formula, Lirim Zendeli ka dhënë së fundmi një lajm shumë të keq.
Pavarësisht rezultateve të shkëlqyera që e bënë të kalonte nga F4 në F2, në momentin kur të gjithë po shpresonim se së shpejti do ta shihnim në garat kryesore të Formual 1, Zendeli ka lajmëruar tërheqjen.
Në një postim në rrjetet sociale ai ka bërë të ditur se ky vendim ka ardhur për shkak të financave që u ndikuan shumë nga pandemia.
“Fatkeqësisht kam marrë një lajm të hidhur..Po tërhiqem shpejt. Nuk do të jem në gjendje të vazhdoj më në F2 për arsye financiare. Pandemia e ka zvogëluar edhe më tej buxhetin tim tashmë shumë të ngushtë. Së pari dua të falënderoj sponsorët e mi nga Gjermania që kanë qenë të besueshëm dhe nuk janë arsyeja e prerjes së papritur.
Sidomos Ajdini i cili duhej të mbulonte boshllëqet e papritura buxhetore të shkaktuara nga premtimet që nuk mbahen nga dikush tjetër. Jam krenar që mund të kem mundësinë të konkurroj në F2 duke ardhur nga “një familje normale” monetarisht. Dua të falënderoj gjithashtu officialmpmotorsport i cili ka qenë i durueshëm dhe mbështetës gjatë gjithë kohës.
Të kuptosh se duhet të tërhiqem për një moment është shumë e vështirë, por do të provoj gjithçka për të gjetur një mundësi emocionuese për t’u kthyer në rrugën e duhur sa më shpejt të jetë e mundur.”-ka thënë Zendeli.
Është shumë e dhimbshme që një talent i tillë tërhiqet nga gara më të rëndësishme për shkak të pamundësive financiare./K.T/Gijotina.com
Discussion about this post