Klubi i Inter i ka habitur të gjithë me mesazhin drejtuar yllit të Milan, Simon Kjaer i cili ka marrë një dëmtim të rëndë dhe raportohet se do rrijë të paktën rreth 6 muajsh jashtë fushës së blertë.
Në një postim në faqen e tyre zyrtare në ‘Twitter’, ‘Zikaltërit’ i bënë thirrje danezit që të rikthehet shpejt në fushë si një kampion që është.
“Një kampion nuk njihet vetëm nga mënyra se si luan futboll. Kthehu shpejt Simon, ne po të presim në fushë në San Siro për t’ju dhënë duartrokitjet që meritoni.”-shkruhet në reagimin e rivalëve të ‘Djallit’.
Interi i dërgoi kështu një mesazh heroit të EURO 2020, i cili ndihmoi në shpëtimin e jetës së mesfushorit të tyre Christian Eriksen, i cili u rrëzua kur luante për Danimarkën prej një ataku në zemër./K.T/Gijotina.com
Discussion about this post