Ndeshja e tretë kualifikuese e Botërorit që u luajt mbrëmjen e së mërkurës midis Kombëtares sonë dhe San Marinos në ‘Elbasan Arena’ u mbyll me rezultatin 5-0.
Ky rezultat është pritur lehtë nga tifozët e skuadrës mike, të cilët kanë bërë komente nga më të ndryshmet në rrjetet sociale.
Faqja e fansave të San Marinos ka bërë një reagim në Twitter ku shkruan: “Shqipëria mund të ketë fituar sot, por ne kemi marrë më shumë medalje në Lojërat Olimpike se ta. Jemi barazim”.
Ky postim ka bërë xhiron e rrjete dhe është bërë shumë viral në rrjet, ndërsa duket se mbështetësit e San Marinos, janë familjarizuar tashmë me humbjet e thella dhe i kalojnë të gjitha me sportivitet./Gijotina.com
