Alesio Xhelo, ose ndryshe “Titi” është 40-vjeçari që u arrestua sot në Fier, pas i ndodhur në arrest shtëpia ai kanosi efektivin e FNSH-së që e mbante në mbikëqyrje.
Xhelo i cili njihet edhe me emrin Astrit Hasani është një person i shumëkërkuar në Greqi, i arratisur nga burgu grek në qershor 2019 duke marrë peng një police dhe i kapur në Vlorë me armë pa leje në muajin tetor 2019.
“Titi” ka qenë i dënuar me burgim të përjetshëm për vrasjen e një greku dhe i përfshirë në 8 shkëmbime zjarri me policinë në Greqi, si dhe në dhunimin e gruas se një diplomati të huaj gjatë grabitjes së shtëpisë së tyre dhe në rrëmbimin e një të riu që e liroi pasi mori shumë para nga familja e tij.
Grupi i Xhelos kryen aktivitet në zonën e Zografos në Athinë.
“Specialistët e Komisariatit të Policisë Fier arrestuan në flagrancë shtetasin A. Xh., 40 vjeç, banues në Fier, i cili ishte me masë sigurie “Arrest në shtëpi”, me mbikëqyrje policore 24 orë, për veprat penale “Trafikimi i armëve dhe municionit luftarak”, “Largimi i të burgosurit nga vendi i qëndrimit”, “Rrëmbimi ose mbajtja peng e personit”, të kryera në bashkëpunim dhe “Vrasja e punonjësve të Policisë së Shtetit”, e mbetur në tentativë. 40-vjeçari, ditën e djeshme ka kanosur duke sharë, ofenduar dhe kërcënuar punonjësin e policisë të Forcës Kombëtare të Sigurisë , Njësia Fier, i cili ishte në shërbim, në mbikëqyrje të këtij shtetasi”, njoftoi policia.
Discussion about this post