Foto/ Kjo është leja e re e qarkullimit të automjeteve në vend

Nga dita e hënë do të ndryshojë formati dhe  dizajni i patentës për shqiptarët. Tashmë qytetarët që do marrin një leje drejtimi mjeti do të kenë një dokument të ri, sipas standardeve të BE. Ditën e sotme kryeministri Rama ka publikuar fotot se si do të duket leja e re e qarkullimit të automjeteve. Rama thotë gjithashtu se pagesa do të jetë 40% më e ulët për këtë shërbim.

“Kjo është leja e re e qarkullimit të mjetit, që prej të hënës do të jetë plotësisht në standardet e BE. Stop orvatjeve dhe me një pagesë ku kostot ulen me 40%, tashmë leja e re e qarkullimit unifikon përfundimisht dokumentet e mjetit në një të vetme”, thuhet në postimin e Ramës. Por, ky dokument, nuk do të jetë i detyrueshëm që të merret nga ata që tashmë e kanë një leje drejtimi të vlefshme.