Raportohet se Roma po kërkon të heqë qafe 23 lojtarë dhe synon të kursejë 36.7 milionë euro nga pagat e një pjese prej tyre, me ish -kapitenin Alessandro Florenzi, i cili mbetet rasti më i komplikuar.
Drejtori sportiv Tiago Pinto ka një verë të ngarkuar, duke punuar për të përforcuar skuadrën e Jose Mourinhos, por gjithashtu duhet të gjejë pretendues të mundshëm për një listë të gjatë lojtarësh që konsiderohen të tepërt në ‘Stadio Olimpico’.
Lojtarët me pagat më të larta bruto që presin një mundësi diku tjetër janë Javier Pastore, Steven Nzonzi, Florenzi, Federico Fazio, Pedro Rodriguez, Davide Santon, Robin Olsen, Ante Coric dhe William Bianda.
Ata nëntë lojtarë i kushtojnë Romës plot 36.7 milionë euro në sezon dhe janë pjesë e listës së raportuar të lojtarëve që klubi dëshiron të heqë qafe raporton ‘Football Italia’.
Rasti më i komplikuar është me siguri ai i Florenzi, i cili nuk udhëtoi në Portugali për t’u bashkuar me grupin së bashku me Bryan Cristante dhe Eldor Shomurodov.
Pas testeve të koronavirusit ai qëndroi në kryeqytet dhe filloi stërvitjen dje. Ylli i kombëtares italiane nuk dëshiron të jetë zgjedhja e dytë pas Rick Karsdorp sezonin e ardhshëm dhe Roma shpreson të heqë qafe pagën e tij të madhe, por asnjë ofertë konkrete nuk ka mbërritur.
Lista përfshin gjithashtu një mori të rinjsh që mund të largohen këtë verë dhe Tiago Pinto me siguri ka një punë të madhe në dorë./Gijotina.com
