Një ngjarje e pakëndshme i ka ndodhur Xherdan Shaqirit ndeshjen e Lyonit me Sparta Pragën, e cila përfundoi me rezultatin 4-3 për francezët.
Ishin çekët që kaluan të parët në avantazh me dy gola të një pas njëshëm, por nuk mundën ta kontrollonin ndeshjen deri në fund.
Shaqiri, i cili ishte titullar dhe luajti për 75 minuta u përballë me një situatë aspak të këndshme. Tifozët e Sparta Pragës mbanin pankarta ku shkruhej: “Kosova është Serbi”.
Duket se ata kanë dashur ta provokojnë shqiptarin, megjithatë ai e ka kontrolluar veten dhe ka mbajtur qetësinë duke i injoruar.
Ndërkohë rikujtojmë se ky moment vjen pas një tjetër episodi ku lojtari shqiptar ishte protagonisti i pavullnetshëm. Në fund të ndeshjes mes Zvicrës dhe Irlandës Veriore, një tifoz iu afrua ndërsa ishte duke u zhvilluar një intervistë me një TV zviceran dhe i veshi një xhaketë që mbante simbolin e UÇK -së, ose Ushtrisë Çlirimtare të Kosovës. Duke mos kuptuar rëndësinë e situatës, Shaqiri buzëqeshi dhe menjëherë hoqi rrobën./K.T/Gijotina.com
