Kristi Marku është lojtari më i ri i klubit të Kukësit. Qendërmbrojtësi 26-vjeçar u konfirmua ditën e sotme nga verilindorët në një postim në rrjetet sociale.
Lojtari ka dalë nga moshat e Teutës dhe Superligë ka luajtur me Flamurtarin, Partizanin dhe Lushnjën.
Ndërsa që prej vitit 2019, Marku ka qenë pjesë e Pyunik Yerevan në Armeni dhe Trans Narva në Estoni.
“Zyrtare! Kristi Marku është futbollist i Kukësit
Futboll Klub Kukësi njofton se mbrojtësi Kristi Marku është zyrtarisht futbollist i skuadrës sonë! Futbollisti 26-vjeçar ka firmosur ditën e sotme me klubin një kontratë njëvjeçare me opsion rinovimi edhe për një sezon tjetër duke u bërë kështu futbollisti më i ri në skuadër.
Qendërmbrojtësi e njeh mirë kampionatin shqiptar pasi ka luajtur në të shkuarën me Partizanin, Flamurtarin e Lushnjën, teksa është aktivizuar edhe me ekipe si Trans Narva, Pyunik Jerevan, e Honved.
Klubi i Kukësit i uron shumë suksese mbrojtësit Marku me fanellën e ekipit tonë. Mirësevjen Kristi!”-thuhet në njoftimin e klubit verilindor./Gijotina.com
