Foto – Kush është e reja që humbi jetën në aksidentin e Përrenjasit, u përplas nga shoferi i dehur

E reja në foto është 24-vjeçarja Eneida Pishkashi, e cila humbi jetën pas 5 ditëve në koma, pasi u përplas nga një makinë në Prenjas.

Shoferi i dehur Jetmir Daci që shkaktoi edhe aksidentin e rëndë u arrestua vetëm pasi e reja humbi jetën pasi qëndroi për 5 ditë në koma.

Sipas policisë, 44-vjeçari ka qenë duke drejtuar mjetin në gjendje të dehur, kur më 8 prill ka përplasur në aksin Prrenjas-Qafë Thanë të renë së bashku me 3 persona të tjerë. Ata po qëndronin në këmbë para një servisi dhe po prisnin që makina e tyre të riparohej.

44-vjeçari Daci me banim në Peshkopi akuzohet për veprën penale “Shkelja e rregullave të qarkullimit rrugor”.