FOTO/ Ky është autori i plagosjes në Librazhd

Është publikuar fotoja e 35-vjeçarit Albi Biçaku, autor i dyshuar i ngjarjes që ndodhi në Librazhd, ku mbeti i plagosur shtetasi Shpëtim Skura.

Ngjarja raportohet të ketë ndodhur në një lokal, ndërsa janë ende të paqarta rrethanat e ngjarjes.

Ndërkohë policia ka shpallur në kërkim autorin.

Njoftimi:

Librazhd/Informacion paraprak

Plagosi me armë zjarri një 35 vjeçar, Policia identifikon dhe shpall në kërkim autorin e dyshuar.

Vijon ndjekja për kapjen e autorit, shtetasit A. B., 27 vjeç nga Librazhdi.

Shërbimet e Komisariatit të Policisë Librazhd rreth orës 19:00, kanë marrë njoftim se në lagjen nr 1 Librazhd,  një shtetas ka plagosur me armë zjarri një shtetas tjetër.

Menjëherë shërbimet e Policisë kanë shkuar në vendngjarje dhe falë veprimeve të shpejta kanë bërë të mundur identifkimin e autorit të dyshuar, shtetasin A. B., 27 vjeç, banues në Librazhd, dhe janë vënë në ndjekje të tij.

Shtetasi A. B., duke qarkulluar me një automjet, në rretrhana ende të paqarta  ka plagosur me armë zjarri shtetasin Sh. S., 35 vjeç.

35-vjeçari është transportuar në spital për ndihmë mjekësore dhe aktualisht ndodhet jashtë rrezikut për jetën.

Grupi hetimor nën drejtimin e Prokurorisë vijon veprimet në vendnngjarje me qëllim zbardhjen  dhe dokumentin e plotë të rethanave të ngjarjes.