Djali në foto është Firdeus Berberi, një nga autorët që plagosi Johan Muçollarin sot në Pogradec. Kujtojmë se ngjarja ka ndodhur mesditën e sotme në hotelin “Voloreka” në pronësi të familjes Muçollari, ku Firdesus Berberi21 vjeç sëbashku me një tjetër person ka sulmuar me thikë dhe më pas ka qëlluar me armë Johanin. Ky i fundit ka marrë një plumb në këmbë dhe një plagë në kokë, si pasojë pas mjekimit në Pogradec është dërguar me urgjencë në Spitalin e Traumës Tiranë për shkak se është në rrezik për jetën.
Shkak i kësaj ngjarje u bë një konflikt dyvjeçar mes babit të Johanit dhe babit të Firdeusit, Ilir Berberi i cili njihet si i “forti” dhe “gjobëvënësi” i Pogradecit. Në gusht 2020 Ilir Berberi ka zbrazur mbi 100 plumba ndaj makinave të parkuara dhe ndaj hotelit. Sulmi ka ndodhur për më shumë se 1 minutë, ku autori, i maskuar, pasi ka qëlluar në drejtim të hotelit, me qetësi i është drejtuar makinave të parkuara. I pashqetësuar, autori ka ecur i qetë përmes parkimit dhe më pas ka hapur zjarr me kallashnikov duke i dëmtuar makinat me radhë. Më pas është larguar duke dalë me vrap nga hoteli në pronësi të Jetmir Muçllarit. Ndërkohë e njëjta histori u përsërit edhe sot, por që rezultoi më fatale dhe dy të rinjtë janë në kërkim.
Discussion about this post