Mediet greke kanë publikuar fotot nga lokali ku u qëllua me armë zjarri më tre plumba një shqiptar. Në foto e publikuara duket tavolina dha karriget ku ishte ulur shqiptari në momentin që u tentua të ekzekutohet mbrëmjen e sotme.
Shqiptari që u qëllua me armë në mes të Athinës është gjallë dhe ndodhet në spital. Ndonëse fillimisht u raportua se ai kishte ndërruar jetë, mësohet se ka arritur të mbijetojë por bluzat e bardha ende nuk bëjnë me dije nëse ai është jashtë rrezikut për jetën apo jo.
Ngjarja e rëndë është regjistruar këtë mbrëmje në një kafene në rrugën 104 Liosion, në zonën e Agios Panteleimon të kryeqytetit grek. Mësohet se shqiptari ndodhej brenda në lokal kur një person ende i paidentifikuar është afruar dhe e ka qëlluar dy herë në kokë dhe një herë në zonën e barkut.
Më pas, ai është larguar në drejtim të paditur, ndërsa shqiptari është dërguar me auto-ambulancë për në spital. Sipas mediave greke Agios Panteleimon është një zonë që kontrollohet nga bandat dhe deri më tani nuk është bërë ende i ditur emri i të plagosurit dhe i autorit të dyshuar të ngjarjes.
