Kampioni i botës në boks, Conor McGregor ka goditur me grusht DJ e njohur italian, Francesco Fachinettti.
Ky lajm është bërë publik nga ky i fundit në një ‘Insta-story’ ku ka shfaqur buzën e çarë nga grushti i irlandezit të MMA.
“Ishim duke qëndruar tek hoteli “St.Regis”. Ne ishim bashkë, biseduam u argëtuam , kaluam shumë mirë, kur papritur pasi dolëm jashtë më goditi pa arsye”,- tha Fachinetti.
Më tej DJ ka shtuar se McGregor është i çmendur dhe i rrezikshëm dhe ka theksuar se për këtë ngjarje ka edhe dëshmitarë.
“U trullosa e nuk po kuptoja se çfarë ndodhi, isha i shokuar. Ai është një person i çmendur dhe i rrezikshëm, ka dëshmitarë që mund të konfirmojnë këtë dhunë ndaj meje. Të shohim nëse hoteli do të ketë guximin të tregojë se çfarë veprimi bëri McGregor ndaj meje, videot nga kamerat e sigurisë i kanë, jam i sigurt , por të shohim a do të ketë guximin ti publikojë.”-shtoi Fachinetti.
Ndërsa boksieri nuk ka reaguar ende në lidhje me këto akuza që janë bërë në drejtim të tij./K.T/Gijotina.com
