Menaxheri i një kompanie kripto-valutash me qendër në Dubai u mor peng teksa ishte me pushime në Spanjë.
Sipas raportimeve nga mediat spanjolle, ai u mor peng nga disa shqiptarë, me të cilët kishte festuar për disa ditë.
Ata u takuan në një vilë luksoze, ku e lidhën dhe kërkuan 1 milion euro për lirimin e tij.
Ndërsa rrëmbyesit e lejuan viktimën të përdorte telefonin për të kontaktuar personin që do paguante gjobën, ai ia doli të dërgonte një foto te një koleg, i cili më pas njoftoi policinë.
Më shumë se 50 oficerë policie u angazhuan në operaicnin për lirimin e pengut.
Pengmarrësit janë arrestuar dhe akuzohen për pengmarrje, armëmbajtje pa leje dhe plagosje.
Një prej pengmarrësve kishte precedentë penalë dhe përdorte disa identitete false. Dy të tjerët kishin pasaporta greke false.
Discussion about this post