Lojtari me origjinë turke, por shtetësi gjermane i Fenerbahces, Mesut Ozil është kthyer së fundmi në qendër të kritikave të mediave në Gjermani pas një takimi me presidentin turk Recep Tayyip Erdogan.
Mesfushori nxori një foto në rrjetet sociale krahas së cilës shkruante: ‘Diskutime për futbollin me presidentin tonë Erdogan’.
Në atë foto 33-vjeçari shfaqej krah presidentit turk dhe analistit dhe ish-futbollistit Ridvan Dilme. Megjithatë ajo nuk është mirëpritur në Gjermani, ku të menjëhershme kanë qenë kritikat.
Një episod i ngjashëm ka ndodhur edhe në vitin 2018 para nisjes së Botërorit, me Erdogan i cili ishte i ftuar në dasmën e futbollistit.
Ndërsa pas eliminimit të Gjermanisë që në fazën e grupeve, Ozil u kundërpërgjigj duke thënë se ishte diskriminuar për shkak të origjinës turke./K.T/Gijotina.com
Discussion about this post