Personi në foto është 52-vjeçari Xherxh (Gjergj) Laçi, i cili u arrestua ditën e sotme nga policia e Tiranës. 52-vjeçari për shkak të bindjeve radikale, prej 6 vitesh mbante të ngujuar gruan dhe fëmijët e mitur në shtëpi, të cilët i dhunonte në mënyrë të vazhdueshme.
Arrestimi i tij erdhi pas denoncimit të familjarëve të gruas për atë që po ndodhte në shtëpi. Policia bëri me dije se 52-vjeçari ka qenë i dënuar më parë për armëmbajtje pa leje.
Lexo edhe: Mbante të ngujuar familjen prej 6 vitesh, arrestohet 52-vjeçari në Tiranë
Autori ka jetuar disa kohë në Itali dhe është rikthyer më pas në Tiranë, ku jetonte në gjendje të mjerueshme me dy djemtë 15 dhe 17 vjeç, të cilët kishin kryer vetëm shkollën 9-vjeçare. Sipas hetimeve, dy fëmijët prej një viti nuk kanë dalë fare nga shtëpia, ndërsa gruaja kishte 6 vite që rrinte e mbyllur. Ushqimet për të mbajtur frymën gjallë, i merrnin nga familja e 52-vjeçarit dhe vëllai i gruas.
“Ju nuk mund të dilni jashtë se mund të infektoheni”, kanë qenë fjalët e 52-vjeçarit drejtuar gruas dhe dy djemve, të cilët i ka kërcënuar me jetë me armë të ftohta dhe nën terror psikologjik.
Shtëpia në fund të rrugës “5 Maji” ku banonin nuk kishte as drita, as ujë dhe as televizor dhe dritaret ishin të mbyllura, ku as drita nuk hynte.
Sipas dëshmitarëve Laçi dilte vetëm për faljen e xhumasë (të premtes), por prej 6 muajsh nuk dilte më as vetë nga banesa. 52-vjeçari është arrestuar, ndërsa gruaja dhe fëmijët janë dërguar në një qendër për rehabilitim.
Discussion about this post