Në momente të caktuara disa nga emrat më të mëdhenj të futbollit kanë bërë deklarata që më pas janë ‘detyruar’ t’i shkelin.
Së fundmi është Cristiano Ronaldo ai që ka bërë një veprim të tillë, pa u kujtuar ndoshta çfarë ka thënë në 2015.
Portugezi deklaroi se ai kurrë nuk do të ishte pjesë e Manchester City-t, ndërsa ditën e djeshme ka arritur akordin me ‘Citizenët’.
Dikur idhulli i Manchester United deklaronte: “Të luaj me City dhe jo me United? Nuk do ta bëj këtë gjë. Pse? Sepse zemra rreh për Manchester United.
Mund të them se do të jetë shumë shumë shumë shumë shumë shumë shumë shumë e vështirë të luaj me Manchester City për shkak të Manchester United.
Mendoni se paratë do të me ndryshojnë jetë tani që jam 30 vjeç? Nuk mendoj kështu, ky nuk është një problem. Po të jetë për të luajtur për para mund të shkoj në Qatar dhe ndoshta do të merrja më shumë para se tek Manchester City.”
Ndërsa tashmë ai ka pranuar dhe pritet që të zyrtarizohet te City, sikur të mos i kishte thënë kurrë ato fjalë./Gijotina.com
