Një prej sulmuesve kryesor të skuadrës së Bayern Munich Kingsley Coman i është nënshtruar një ndërhyrjeje në zemër.
Ky lajm është bërë publik nga vetë klubi bavarez në një postim në rrjetet sociale, ku thekson se Coman kishte një shqetësim dhe si rrjedhojë i është nënshtruar një operimi të vogël.
Ndërsa trajneri i kampionëve të Gjermanisë, Nagelsmann ka theksuar se ai është në gjendje të mirë dhe se do të rikthehet në skuadër shumë shpejt.
“Coman nuk është i disponueshëm për ndeshjen në shtëpi të Bayern kundër VfL Bochum për kampionatin e Bundesligës. Sulmuesi iu nënshtrua një operacioni të vogël në zemër të enjten.
‘Ai kishte një rrahje zemre pak të parregullt, një parregullsi të vogël të zemrës. Ne bëmë një EKG afatgjatë dhe e kryem këtë operacion. Ai po e merr veten mirë dhe ka pak dhimbje në plagë. Pasi të shërohet plaga atëherë ai do të jetë në gjendje të fillojë me trajnimin për rehabilitim dhe nuk do të kalojnë më shumë se dhjetë ditë deri në dy javë para se të kthehet në stërvitje të plotë.’- tha trajneri i Bayern, Nagelsmann në konferencën për shtyp të së Premtes.”-shkruan Bayern Munich në ‘Instagram’.
Ndërsa francezi do duhet të qëndrojë pak kohë jashtë fushave derisa të marrë veten, Bayern-it do i duhet të luajë pa një prej yjeve të skuadrës./K.T/Gijotina.com
