Qeveria vazhdon të jetë me “Pushime” sa i përket detyrimeve ndaj popullit. Ndërsa qyteti i Tiranës ka marrë “vëmendje” për shtimin e pemëve e stolave nga bashkia, qytetet e tjera janë lënë në harresë, sa i takon pastrimit të zonave rurale dhe urbane. Pas Shijakut, edhe qyteti i Elbasanit, është prekur nga fenomeni i ndotjes nga mospastrimi i mbetjeve urbane. Gijotina.com ka siguruar pamjet ku Përroi i Namazderes në lagjen 5 maji në Elbasan paraqitet tejet i ndotur. Po ashtu burime për Gijotina. com bëjnë me dije se edhe pse në zonë ka kontinierë shpesh banorët gjejnë rrugën e shkurtër duke i hedhur mbetjet në përrua. Qytetarët e dënojnë këtë sjellje të tyre, por ka nga ata që shprehen se pushteti lokal duhet të shtojë kontejneret dhe ti tërheqë me shpesh mbetjet e akomoluara.
“Na rrezikon nga shëndeti, na rrezikon fëmijët na rrezikon nga të gjitha”, është shprehur njëri prej tyre.
“Ka shumë të papërgjegjshëm, nuk i hedhin plehërat në vendin e duhur”, ka shtuar një tjetër.
