Një aksident është regjistruar sot në Korçë. Ngjarja ka ndodhur mbrëmjen e sotme në unazën e qytetit të Korçës në afërsi të lagjes 17.
Sipas të dhënave të deritanishme, 2 mjete janë përplasur me njëra-tjetrën. Ndërsa aktualisht, policia ndodhet në terren dhe po punon për të zbardhur rrethanat e aksidentit.
“Më datë 01.03.2023, rreth orës 20:30, në lagjen nr. 17, në unazën e qytetit, janë përplasur automjeti tip “Benz” me drejtues shtetasin O. R., me automjetin tip “Benz” me drejtues shtetasin Dh. N.
Për pasojë është dëmtuar drejtuesi Dh. N. dhe pasagjeri që udhëtonte në automjetin e tij, të cilët ndodhen në spitalin e Korçës, aktualisht jashtë rrezikut për jetën. Po kryen veprimet procedurale dhe po punohet për sqarimin e rrethanave të aksidentit”, thuhet në njoftimin e policisë.
Discussion about this post