Princesha Charlotte shpërtheu duke qarë pas ceremonisë së varrimit të stërgjyshes së saj Mbretëreshës Elizabeth II.
7-vjeçarja u emocionua teksa arkivoli i mbretëreshës u zhvendos nga një karrocë armësh në një makinë funerali. Mediat britanike kanë publikuar foto nga momenti ku princesha është parë e prekur dhe që nuk i ka mbajtur lotët.
Charlotte mori pjesë në funeralin e monarkes së ndjerë së bashku me vëllain e saj Princin George, 9 vjeç. Princi Louis, 4 vjeç, nuk mori pjesë në funeral, për shkak të moshës së tij.
Mbretëresha Elisabeth po përcillet sot në banesën e fundit. Ajo do të varroset pranë bashkëshortit të saj të ndjerë, Princit Philip në Kështjellën Uindsor. Trupi i saj qëndroi në Kështjellën Uestminster Abbey për t’i dhënë mundësi miliona britanikëve për të kryer homazhe në nder të monarkes më jetëgjatë në fronin britanik.
Liderë nga e gjithë bota po marrin pjesë në funeralin e saj. Presidenti amerikan Joe Biden, presidenti francez Emannuel Macron dhe liderë të tjerë i dhanë lamtumirën e fundit mbretëreshës.
Kortezhi mortor kaloi në rrugët e Londrës, ku u përshëndet nga miliona njerëz, të cilët hodhën trëndafila dhe duartrokitën për herë të fundit Mbretëreshën Elisabeth II.
Discussion about this post