Një protestë po zhvillohet këtë të Premte para Bashkisë së Tiranës.
Protestuesit kërkojnë dorëheqjen e Erion Veliajt dhe arrestimin e tij lidhur me aferën e dosjes së njohur si “5 D”. Hetimet e SPAK faktuan se drejtorët e Veliajt kishin ngritur një kompani të cilës u jepnin tendera nga Bashkia Tiranë dhe institucionet nën varësi që ata drejtonin.
Ndërkohë, mbi tarracën e bashkisë, janë vendosur efektivë të policisë të cilët filmojnë dhe fotografojnë protestuesit.
Gjatë protestës ka pasur për disa momente tensione mes tubuesve dhe policisë. Efektivët kanë ndaluar përpjekjen e protestuesve për të hyrë në ambientet e brendshme të bashkisë.
Discussion about this post