SPAK i ka kërkuar Kuvendit autorizimin për arrestimin e deputetit Arben Ahmetaj, ish-zv.Kryeministër. Kërkesa e SPAK pritet të shqyrtohet nga Këshilli i Mandateve në një seancë që do të mbahet pasditen e së martës me dyer të mbyllura.
Ndërkohë në rrjetet sociale çështja ka nisur të trajtohet me humor. Dhe për këtë në ndihmë vjen arkiva, kohët e “arta” kur Edi Rama në fillimet e mandatit të tij si Kryeministër shfaqej në krah me Saimir Tahirin dhe Arben Ahmetajn.
Tahiri mund të konsiderohet si “shoku i parë” i Kryeministrit, ministri kampion i tij, që humbi gjatë rrugës. Ish-ministri i Brendshëm, pavarësisht se gëzoi mbrojtjen maksimale të PS-së në kohën kur nga ish-Prokuroria e Krimeve të Rënda u kërkua arrestimi, u përball me Gjykatën dhe u dënua për shpërdorim detyre. Pavarësisht ndryshimit të akuzave, Tahiri vuajti burgun.
Tashmë rradhën e ka Arben Ahmetaj, i cili rrezikon burgun. Dhe nëse ish-zv.Kryeministri përfundon në qeli, ai do të jetë “kampioni” tjetër që Edi Rama do e humbasë gjatë rrugës.
Në fakt këta nuk janë të vetmit “shokë” që Kryeministri ka humbur gjatë rrugës politike, por ndoshta janë më të rëndësishmit mes bashkëpunëtorëve të shumtë që ka pasur në qeverisjen e vendit dhe që kanë mbajtur poste kyçe.
Foto e mëposhtme tregon atë se çfarë ka ndodhur, dhe ndoshta me humor, tregon atë që mund të vijë.
Parashikim aspak i mirë politik edhe për Kryeministrin…
Discussion about this post