Shqiptari i Kosovës Milot Rashica është shpallur lojtari më i mirë i muajit gusht në klubin e Norwich. Ai zhvilloi 3 ndeshje në muajin gusht dhe ka pasur paraqitje të jashtëzakonshme, sidomos ajo ndaj Liverpoolit.
Norwich City ka nxjerrë në faqen zyrtare në “Fazebook” statistikat nga të cilat shihet se Rashica fitoi 34 duele, pati 40 prekje të topit, e rikuperoi topin 14 herë dhe kompletoi 47 pasime me një përqindje prej 84 për qind të saktësisë.
Sulmuesi ka qenë edhe një nga emrat kryesor të Kombëtares së Kosovës në kualifikueset e muajit shtator, duke ndihmuar shumë përfaqësuesen e tij në lojë.
Prej kohësh Rashica 25-vjeçari ka qenë një nga emrat më të lakuar muajt e fundit në botën e këtij sporti, përfshirë këtij edhe kampionatin e Premier League./Gijotina.com
