Disa ditë pas deklaratave të aktorit Donald Veshaj, ku konfirmonte se po tentonte për t’u ribashkuar sërish me moderatoren Bora Zemani, ka reaguar edhe kjo e fundit. Moderatorja thotë që të gjitha thashethemet se ajo dhe aktori janë kthyer bashkë, nuk janë aspak të vërteta.
Ajo tregon se nuk ka rikthim, duet apo pushime me të dhe shton se është cenuar privatësia. Moderatorja tregon se dedikime ka, edhe shton se Donaldi i ka kërkuar falje si privatisht edhe publikisht. Kujtojmë se dyshja pati një takim tepër emocionues në ambientet e shtëpisë së Big Brother, teksa kishin 8 muaj që i kishin dhënë fund lidhjes së tyre. Puthja e ndodhur, por edhe deklaratat e thëna atë mbrëmje ndaj njëri-tjetrit, shtuan shanset e fansave për një rikthim. Por me kalimin e ditëve dhe qëndrimit në shtëpi, pati dinamika të reja. Donaldi, nisi një romancë të re me këngëtaren Beatrix, me të cilën i dha fund menjëherë pas daljes nga shtëpia. Nga ana tjetër, Bora Zemani zgjodhi të mos reagonte në lidhje me këto zhvillime, ndërsa aktori, ka bërë disa deklarata, herë me statuse në rrjete sociale e herë të shprehura nëpërmjet teksteve të këngëve, industri në të cilën është bërë pjesë së fundmi së bashku me të vëllanë, Romeon.
Discussion about this post