Cristiano Ronaldo është padiskutim një nga emrat më të mëdhenj të futbollit botëror. Së fundmi sulmuesi ka thyer rekordin e numrit më të lartë të golave në ndeshjet me Kombëtaret.
Në një postim në rrjetet sociale, Ronaldo ka bërë me dije se është futur në librin e rekordeve botërore Guiness.
“Faleminderit për rekordet botërore të Guiness. Gjithmonë mirë të njihesh si thyerës i rekordeve botërore. Le të vazhdojmë të përpiqemi t’i vendosim numrat edhe më të larta!”-shkruan ylli portugez.
Rikujtojmë se në ndeshjen e Portugalisë me Irlandën për kualifikueset e Botërorit ‘Qatar 2022’, Ronaldo shënoi 2 herë dhe kapi shifrën e 111 golave me Kombëtaren, duke ia kaluar edhe legjendës së Iranit Ali Daei, i cili kishte arritur të shënonte 109 gola./Gijotina.com
