FOTO, Ronaldo mund të detyrohet për këtë gjë

Cristiano Ronaldo mund të vendoset në një situatë të vështirë nga trajneri i ri i Manchester United, Ralf Rangnick.

Tekniku ka një metodë shumë strikte pune dhe nuk i ka pas lejuar lojtarët e tij te RB Leipzig që të përdorin automjetet e tyre, por vetëm ato të klubit dhe sipas ‘Mirror’ e njëjta gjë pritet të ndodhë edhe te ‘Djajtë e kuq’.

Ylli portugez ka një koleksion makinash me vlerë mbi 20 milionë euro, duke përfshirë Ferrari, Lamborghini dhe, së fundmi, një Bentley 300,000 euro në të cilën ai është fotografuar duke u kthyer në terrenin stërvitor të klubit.

Rikujtojmë që trajnerët që kanë punuar me të kanë tentuar t’i japin atij më shumë liri brenda dhe jashtë fushës për shkak të statusit të tij të superyllit dhe rëndësisë së tij për ekipet e tij, megjithatë tekniku  gjerman nuk ka bërë kurrë përjashtime për asnjë lojtar të vetëm.

Theksojmë se nëse Rangnick vendos një rregull të tillë në United, lojtarët me shumë gjasa do të duhet të raportojnë për stërvitje me automjete Chevrolet pasi, pavarësisht faktit që kompania nuk sponsorizon më fanellën e ekipit të parë, ajo është ende një partner zyrtar i “Djajve të Kuq”./K.T/Gijotina.com