Të shtrirë përtokë, të lodhur e të revoltuar, udhëtarët presin prej orësh tragetin për tu nisur drejt Italisë. E njëjta pamje si në portin e Durrësit është shënuar dhe tani në portin detar të Vlorës, ku udhëtarët të cilët do të shkojnë drejt Italisë presin prej më tepër se 6 orësh tragetin. Deri më tani atyre nuk u është komunikuar asgjë, por shprehen se orari i nisjes ishte ora 22:30. Tashmë kur ora shënon 01:00 trageti ende nuk ka mbërritur e më pas të niset drejt Italisë. Udhëtarët shprehen të revoltuar për këtë situatë, por edhe për mungesn e informacionit.
“Niset trageti në orën dy, në orën 11 na thanë të vinim në aeroport, rri populli në çimento tani”, është shprehur i revoiltuar një qytetar.
“Na thanë për tu nisur në 11, nuk na kanë thënë asgjë tjetër, do presim ctë bëjmë”, ka vazhduar një tjetër.
Sipas tyre, trageti mund të mbërrijë rreth orës 04:00 të mëngjesit të ditës së sotme. Asgjë nuk është e sigurt se çfarë do të bëhet për shkak të mungesës së informacionit.
