Shqipëria ka paralajmëruar ditën e sotme se mund të tërhiqet nga kampionati i boksit për shkak se Serbia nuk ka lejuar Kosovën që të marrë pjesë.
Ekipi i boksit i Kosovës nuk u la të hyjë mëngjesin e sotëm në Serbi për shkak të stemës në fanella e tuta sportive, duke iu kërkuar që t’i hiqnin.
Gjë e cila nuk u pranua nga skuadra e Kosovës, gjë e cila është bërë e ditur nga Sekretari i Përgjithshëm i Federatës së Boksit të Kosovës, i cili shtoi se kanë kontaktuar edhe AIBA-n.
Nëse Kosova nuk merr pjesë me të drejta të plota, do të largohet edhe Shqipëria, ka bërë me dije trajneri i ekipit të boksit të Kosovës, Besim Brahimi, i cili ka falënderuar trajnerin e ekipit të boksit të Shqipërisë, Zef Gjoni në një postim në rrjetet sociale.
“Të lumtë Prof. Zef Gjoni, nëse Kosovën Serbia nuk e lejon të marrë pjesë në Botëror edhe Shqipëria nuk do të marrë pjesë, do t’i tërheqë vetë boksierët. Respekt Prof!”-shkruan ai./K.T/Gijotina.com
