Lajmi i largimit të Lionel Messit nga Barcelona, i bërë publik mbrëmjen e djeshme nga vetë klubi katalanas përmes një postimi në faqen zyrtare nuk kishte dyshim që do të kthehej në qendrën e vëmendes së çdo sport ndjekësi e jo vetëm.
Në momentin kur të gjithë prisnin rinovimin e argjentinasit me Barçën ndodhi surpriza e largimit të tij njëherë e përgjithmon nga ekipi spanjoll.
Tashmë të gjithë kanë filluar aludimet se ky mund ta shohim yllin në të ardhmen dhe dy klubet më të përmendura për një kalim të mundshëm janë Manchester City dhe Paris Saint-Germain.
I pyetur në lidhje me transferimin e mundshëm të Messit te PSG, rivali i thuajse plot 16 viteve i argjentinasit, Sergio Ramos, i cili vetëm disa javë më parë u bashkua me francezët është shprehur se do donte të luante në një skuadër me ish-numrin 10 të Barcelonës.
“Do më pëlqente që Lionel Messi të vinte te PSG, më pëlqen të rrethohem nga më të mirët dhe Messi është më i miri.”- ka thënë në një intervistë të realizuar më 18 korrik ish-kapiteni i Real Madrid./Gijotina.com
